Home Srilanka இலங்கை – மியான்மாருக்கு இடையில் நேரடி விமான சேவையை ஆரம்பிக்க நடவடிக்கை!!

இலங்கை – மியான்மாருக்கு இடையில் நேரடி விமான சேவையை ஆரம்பிக்க நடவடிக்கை!!

இலங்கை – மியான்மார் நாடுகளக்கு இடையில் நேரடி விமான சேவையை ஏற்படுத்துவது குறித்து மியான்மர் எயர்வேஸ் இன்டர்நேஷனலின் உயர் நிர்வாகத்துடன் மியான்மாருக்கான இலங்கையின் தூதுவர் கலந்துரையாடியுள்ளார்.

இலங்கைக்கும், மியான்மாருக்கும் இடையில் நேரடி விமான இணைப்பை ஏற்படுத்துவதற்கான நோக்கத்துடன் மியான்மருக்கான இலங்கை தூதுவர் நலின் டி சில்வா மியான்மர் எயர்வேஸ் இன்டர்நேஷனலின் உயர் நிர்வாகத்துடன் அண்மையில் ஒரு சந்திப்பை நடத்தியுள்ளார்.

இதன்மூலம் இரு இடங்களிலும் சுற்றுலாத் தொழில்களை மேம்படுத்த முடியுமெனவும், இரு நாடுகளுக்கும் இடையிலான பயணிகளின் நேர விரயத்தை குறைக்க முடியுமெனவும் தெரிவிக்கப்படுகிறது.

மேலும் வரலாற்று, கலாச்சார மற்றும் மத உறவுகளால் ஆதரிக்கப்படும் இந்த இரண்டு நாடுகளுக்குமிடையில் கணிசமான அளவு போக்குவரத்துச் சேவை இதனால் நடைபெறுமென மியான்மாருக்கான இலங்கையின் தூதுவர் இதன்போது கூறியுள்ளார்.

இரு நாடுகளின் மத முக்கியத்துவத்திலிருந்து பொருளாதார நன்மைகளைப் பெறும் நோக்கில் கொழும்பு – யங்கூன் – புத்தகாயா அல்லது கொழும்பு – யங்கூன் – காத்மண்டு ஆகியவற்றை இணைக்ககூடிய ஒரு விமான சேவையை ஆரம்பிப்பதற்கான சாத்தியக்கூறுகளை ஆராயவிருப்பதாகவும் அவர் இதன் போது தெரிவித்துள்ளார்.

இக் கலந்துரையாடலில் மியான்மர் எயர்வேஸ் இன்டர்நேஷனலை பிரதிநிதித்துவப்படுத்திய தலைமை நிர்வாக அதிகாரி சரவணன் ராமசாமி மற்றும் தலைமை வணிக அதிகாரி குமார் ஆகியோர் கலந்து கொண்டிருந்தனர்.

- Advertisement -

சமீபத்திய செய்திகள்

- Advertisement -