Home Srilanka நாடாளுமன்றத்தின் கன்னி அமர்வில் பங்கேற்க பிள்ளையானுக்கு அனுமதி

நாடாளுமன்றத்தின் கன்னி அமர்வில் பங்கேற்க பிள்ளையானுக்கு அனுமதி

நாளை மறுதினம் (20) நடைபெறவுள்ள நாடாளுமன்றத்தின் கன்னி அமர்வில் பங்கேற்பதற்கு சிவனேசத்துரை சந்திரகாந்தனுக்கு (பிள்ளையான்) மட்டக்களப்பு மேல் நீதிமன்றம் அனுமதி வழங்கியுள்ளது.

நாளை மறுதினம் (20) நடைபெறவுள்ள பாராளுமன்றத்தின் கன்னி அமர்வில் பங்கேற்பதற்கு சிவனேசத்துரை சந்திரகாந்தனுக்கு (பிள்ளையான்) மட்டக்களப்பு மேல் நீதிமன்றம் அனுமதி வழங்கியுள்ளது.

ஜோசப்பரராஜசிங்கம் கொலை வழக்கில் சந்தேகத்தின் பேரில் 2015ஆம் ஆண்டு கைதுசெய்யப்பட்ட பிள்ளையான் எனப்படும் சிவநேசதுரை சந்திரகாந்தன் தொடர்ந்து விளக்கமறியலில் வைக்கப்பட்டுவரும் நிலையில், கடந்த பொதுத்தேர்தலில் மட்டக்களப்பு மாவட்டத்தில் அதிகூடிய விருப்பு வாக்குகளைப்பெற்று நாடாளுமன்றத்திற்கு தெரிவுசெய்யப்பட்டுள்ளார்.

இதனடிப்படையில் எதிர்வரும் 20ஆம் திகதி நாடாளுமன்றம் கூடவுள்ள நிலையில், அதில் கலந்துகொள்ளுவதற்காக மட்டக்களப்பு மேல் நீதிமன்றில் நகர்வு மனு தாக்கல் செய்யப்பட்டு நாடாளுமன்ற அமர்வில் கலந்துகொள்வதற்கான அனுமதி கோரப்பட்டிருந்தது.

இதனை இன்று (18) விசாரணைக்கு எடுத்துக்கொண்ட மட்டக்களப்பு மேல் நீதிமன்ற நீதிபதி டி.எம்.சூசைதாசன், நாடாளுமன்ற அமர்வில் கலந்துகொள்வதற்கும் நாடாளுமன்ற உறுப்பினராக சத்தியப்பிரமாணம் செய்யும் நிகழ்வில் கலந்துகொள்வதற்குமானு அனுமதியை வழங்கியுள்ளார்.

இந்த நிலையில், நீதிமன்றில் இருந்து சிறைச்சாலைக்கு சந்திரகாந்தனை அழைத்துச் செல்லும்போது ஊடகவியலாளர்களுக்கு கருத்து தெரிவித்த சந்திரகாந்தன் விரைவில் விலங்கினை உடைத்துவெளியில் வந்து அனைவருடனும் பேசுவதாக தெரிவித்தார்.

- Advertisement -

சமீபத்திய செய்திகள்

- Advertisement -