Home International கொரோனா ஏதேனும் ஒரு வடிவில் உலகில் தொடர்ந்து கொண்டே இருக்கும்: பிரித்தானிய விஞ்ஞானி எச்சரிக்கை

கொரோனா ஏதேனும் ஒரு வடிவில் உலகில் தொடர்ந்து கொண்டே இருக்கும்: பிரித்தானிய விஞ்ஞானி எச்சரிக்கை

கொவிட் – 19 தொற்று உலகில் எப்போதும் ஏதோவொரு வடிவத்தில் தொடர்ந்து இருக்குமென பிரித்தானியாவின் அவசர நிலைகளுக்கான அறிவியல் ஆலோசனைக் குழுவின் விஞ்ஞானி மார்க் வால்போர்ட் கூறியுள்ளார்.

மக்கள் சரியான இடைவெளியில் தடுப்பூசி எடுத்து கொள்வதன் மூலம் தொற்றிலிருந்து தம்மை தற்காத்து கொள்ளலாமென அவர் குறிப்பிட்டுள்ளார்.

கொரோனா தொற்றின் தாக்கம் தொடர்ந்தும் உலகில் இருக்கும் என்று தான் நம்புவதாக உலக சுகாதார அமைப்பின் தலைவர் கூறியதை அடுத்தே அவர் இவ்வாறு குறிப்பிட்டுள்ளார்.

இது தொடர்பில் அவர் மேலும் தெரிவிக்கையில்,

கடந்த காலத்தில் ஏற்பட்ட ஸ்பானிஷ் காய்ச்சலை முடிவுக்கு கொண்டுவர இரண்டு ஆண்டுகள் ஆனது. அடர்த்தியான மக்கள் தொகை மற்றும் பயணம் மூலம் வைரஸ் எளிதில் பரவுகிறது.

1918ஆம் ஆண்டை விட உலக மக்கள் தொகை இப்போது பல மடங்கு அதிகரித்துள்ளது.

தொற்று நோயைக் கட்டுப்படுத்த, உலகளாவிய ரீதியில் தடுப்பூசி தேவைப்படும், ஆனால் கொரோனா வைரஸ் பெரியம்மை போன்று தடுப்பூசி மூலம் அழிக்கப்படக்கூடிய நோயல்ல.

அது ஏதேனும் ஒரு வடிவில் உலகில் தொடர்ந்து கொண்டே இருக்குமென கூறியுள்ளார்.

- Advertisement -

சமீபத்திய செய்திகள்

- Advertisement -