- Advertisement -
Home Srilanka எ. ம. ச கட்சியின் தேசியப் பட்டியல் குறித்த இறுதித் தீர்மானம்!

எ. ம. ச கட்சியின் தேசியப் பட்டியல் குறித்த இறுதித் தீர்மானம்!

- Advertisement -

எங்கள் மக்கள் சக்தி கட்சியின் தேசியப் பட்டியல் ஆசனம் குறித்த இறுதித் தீர்மானம் இதுவரை மேற்கொள்ளப்படவில்லை என, தேர்தல்கள் ஆணைக்குழு தெரிவித்துள்ளது.

தேசியப் பட்டியல் ஆசனம் குறித்த தமது முடிவை எங்கள் மக்கள் சக்தி கட்சி இதுவரை அறிவிக்காத நிலையிலேயே தேர்தல்கள் ஆணைக்குழு இதனைக் கூறியுள்ளது.

எனினும், எங்கள் மக்கள் சக்தி கட்சியின் தேசியப் பட்டியல் ஆசனத்தை தனக்கு பெற்றுக் கொள்வதற்காகவே, கட்சியின் முன்னாள் பொதுச் செயலாளர் வேதினிகம விமலதிஸ்ஸ தேரரை அவர் ஒளித்துவைத்திருப்பதாக குற்றம் சாட்டப்பட்டுள்ளது.

எங்கள் மக்கள் சக்தி கட்சியின் முன்னாள் பொதுச் செயலாளர் வேதினிகம விமலதிஸ்ஸ தேரரின் இணைப்புச் செயலாளரான, ஹுனுபிட்டிய சந்திரசிறி தேரர் இந்த குற்றச்சாட்டை முன்வைத்துள்ளார்.

இந்த நிலையில், எங்கள் மக்கள் சக்தி கட்சியின் முன்னாள் பொதுச் செயலாளர் காணாமல் போயுள்ளதாக மேற்கொள்ளப்பட்டுள்ள முறைப்பாடு தொடர்பிலான விசாரணை நேற்றைய தினமும் முன்னெடுக்கப்பட்டது.

அத்துரலியே ரத்ன தேரர் கடந்த 19ஆம் திகதி, குறித்த முறைப்பாட்டை கொழும்பு மாவட்டத்துக்குப் பொறுப்பான பிரதிப் பொலிஸ்மா அதிபர் அலுவலகத்தில் சமர்ப்பித்திருந்தார்.

எனினும், நேற்றைய விசாரணைகளுக்கு, ஹுனுபிட்டிய சந்திரசிறி தேரர் முன்னிலையாகியிருந்த போதிலும், அத்துரலியே ரத்ன தேரர் முன்னிலையாகவில்லை என தெரிவிக்கப்பட்டுள்ளது.

இதேவேளை, ஞானசார தேரரை தேசியப் பட்டியல் மூலம் நாடாளுமன்றத்துக்கு அனுப்ப வேண்டும் எனும் தொனிப் பொருளிலேயே தமது கட்சியின் தேர்தல் பிரச்சாரங்கள் முன்னெடுக்கப்பட்டதாக, நுவரெலியா கவீஷ்வர தேரர் தெரிவித்துள்ளார்.

கண்டியில் நேற்று ஊடகங்களுக்குக் கருத்துரைத்த போதே அவர் இதனைக் குறிப்பிட்டுள்ளார்.

அத்துடன், தன்னை நாடாளுமன்றத்துக்கு அனுப்புமாறு கோரிக்கை விடுக்கும், அத்துரலியே ரத்ன தேரருக்காக மக்கள் வாக்களிக்கவில்லை எனவும் அவர் சுட்டிக்காட்டினார்.

இந்த நிலையில், குறித்த விடயம் தொடர்பில் கொழும்பு மாவட்டத்துக்குப் பொறுப்பான பிரதிப் பொலிஸ்மா அதிபர் அலுவலகம் மேலதிக விசாரணைகளை முன்னெடுத்துள்ளமை குறிப்பிடத்தக்கது.

- Advertisement -
- Advertisement -

Stay Connected

Latest News

- Advertisement -

Related News

கஞ்சாவினை வைத்துக்கொண்டு நடமாடிய இளைஞர் கைது

வீதியோரமாக கஞ்சாவினை வைத்துக்கொண்டு நடமாடிய இளைஞர் ஒருவரை அதிரடிப்படையினர் கைது செய்துள்ளனர். அம்பாறை மாவட்டம் மத்திய முகாம் பொலிஸ் எல்லைக்குட்பபட்ட 11 ஆம் கொலனி பகுதியில் இன்று(21) முற்பகல் சந்தேகத்திற்கிடமாக இளைஞன் நடமாடி திரிவதாக...

புராதன சிலையொன்றை மறைத்து வைத்திருந்த சந்தேகத்தில் ஒருவர் கைது

மட்டக்களப்பு வாழைச்சேனை விநாயகபுரத்தில் வீடொன்றில் புராதன காலத்து சிலையொன்றை தன் வசம் மறைத்து வைத்திருந்தார் என்ற சந்தேகத்தின் பேரில் நபர் ஒருவரை கைது செய்துள்ளதுடன் அவரிடமிருந்த குறித்த பொருளினையும் தாம் கைப்பற்றியுள்ளதாக கல்குடா...

சம்மாந்துறையில் டெங்கு ஒழிப்பு வேலைத்திட்டம் முன்னெடுப்பு

அதிகரித்து வரும் டெங்கு நோய் பரவலை கட்டுப்படுத்த சம்மாந்துறையில் டெங்கு ஒழிப்பு வேலைத்திட்டம் முன்னெடுப்பு . கல்முனை பிராந்திய சுகாதார பணிப்பாளர் வைத்தியர் ஜீ . சுகுணன் அவர்களின் பணிப்புரைக்கு அமைய சம்மாந்துறை சுகாதார...

பிரதமர் மோடி – இலங்கை பிரதமர் ராஜபக்சே பங்கேற்கும் இரு தரப்பு மாநாடு காணொளி மூலம் நடத்த ஏற்பாடு!

பிரதமர் நரேந்திர மோடியும், இலங்கை பிரதமர் மகிந்த ராஜாபக்சேவும் பங்கேற்கும் உச்சிமாநாடு வருகிற 26-ம் தேதி நடைபெறுகிறது. காணொலி மூலம் நடைபெறும் இந்த மாநாட்டில் இரு நாடுகளுக்கும் இடையிலான நீண்டகால உறவுகளை வலுப்படுத்தும் விதமாக...

ஐ.பி.எல்.கோப்பையை மும்பை இந்தியன்ஸ் அணி நிச்சயம் வெல்லும் – சச்சின்

ஐ.பி.எல். கோப்பையை மும்பை இந்தியன்ஸ் அணி நிச்சயம் வெல்லுமென்று நம்புவதாக கிரிக்கெட் ஜாம்பவான் சச்சின் தெண்டுல்கர் கூறியுள்ளார். இதுகுறித்து அவர் கூறுகையில், ஐ.பி.எல். கோப்பையை இந்த முறை மும்பை இந்தியன்ஸ் அணி நிச்சயம் வெல்லும்...
- Advertisement -

LEAVE A REPLY

Please enter your comment!
Please enter your name here