Home Srilanka துப்பாக்கிகளுடன் இருவர் கைது!!

துப்பாக்கிகளுடன் இருவர் கைது!!

கல்முனை விசேட அதிரடிப் படையினருக்குக் கிடைக்கப்பெற்ற இரகசியத் தகவலுக்கமைய சனிக்கிழமை 6.30 மணியளவில் அக்கரைப்பற்று – ஒலுவில் பகுதியில் சுற்றிவளைப்பொன்று மேற்கொள்ளப்பட்டது.

இதன் போது இருவர் துப்பாக்கிகளுடன் கைது செய்யப்பட்டுள்ளனர்.

குறித்த சுற்றிவளைப்பின் போது சந்தேக நபர்களிடமிருந்து வெளிநாட்டில் தயாரிக்கப்பட்ட போர 12 ரக துப்பாக்கிகள் 2, உள்நாட்டு போர 12 ரக துப்பாக்கி 1, துப்பாக்கி ரவைகள் 20 மற்றும் வெற்று துப்பாக்கி ரவைகள் 32 ஆகியன கைப்பற்றப்பட்டதாகப் பொலிஸ் ஊடகப் பிரிவு தெரிவித்தது. சந்தேக நபர்கள் கைது செய்யப்பட்டு அக்கரைப்பற்று பொலிஸ் நிலையத்தில் ஒப்படைக்கப்பட்டனர்.

அஸ்ரப் நகர் – ஒலுவில் பகுதியைச் சேர்ந்த 22 மற்றும் 55 வயதுடைய நபர்களே இவ்வாறு கைது செய்யப்பட்டுள்ளமை குறிப்பிடத்தக்கது. கைது செய்யப்பட்ட சந்தேகநபர்கள் 22 ஆம் திகதி சனிக்கிழமை அக்கரைப்பற்று மேல் நீதிமன்றத்தில் ஆஜர்படுத்தப்பட்ட போது 25 ஆம் திகதி செவ்வாய்க்கிழமை வரை சிறையில் வைக்க உத்தரவிடப்பட்டமை குறிப்பிடத்தக்கது. மேலதிக விசாரணைகளை பொலிஸார் முன்னெடுத்து வருகின்றனர்.

- Advertisement -

சமீபத்திய செய்திகள்

- Advertisement -