Home International சம்பந்தருக்கு சுகவீனம்; நாடாளுமன்ற குழு கூடாது என அறிவிப்பு!

சம்பந்தருக்கு சுகவீனம்; நாடாளுமன்ற குழு கூடாது என அறிவிப்பு!

தமிழ் தேசியக் கூட்டமைப்பின் தலைவர் இரா.சம்பந்தனுக்கு சுகவீனம் ஏற்பட்டுள்ளதால் எதிர்வரும் நாட்களில் கூடவிருந்த கூட்டமைப்பின் நாடாளுமன்ற குழு கூடாது என நாடாளுமன்ற உறுப்பினர் செல்வம் அடைக்கலநாதன் தெரிவித்துள்ளார்.

தமிழ் தேதியக் கூட்டமைப்பின் ஊடக பேச்சாளர் மற்றும் கொரடா தொடர்பான நிலைப்பாடுகள் நாடாளுமன்ற குழு கூட்டத்தில் முடிவெடுத்து உத்தியோகபூர்வமாக அறிவிக்கப்படும் என தெரிவிக்கப்பட்டு வரும் நிலையில் இவ்விடயம் தொடர்பில் ஊடகங்களுக்கு கருத்து தெரிவிக்கும் போதே அவர் இவ்வாறு தெரிவித்துள்ளார்.

தொடர்ந்தும் கருத்து தெரிவித்த அவர்,

“கூட்டமைப்பின் பேச்சாளராக என்னை நியமிப்பதாக பங்காளிகட்சித் தலைமைகளின் கூட்டத்தின் போதே முடிவு எடுக்கப்பட்டது. எனினும் நாடாளுமன்றக்குழு கூட்டத்தின் போதே அது உத்தியோகபூர்வமாக தெரிவு செய்யப்பட வேண்டும். அது இன்னும் கூடவில்லை. அதன்போதே தெரிவுகளை மேற்கொள்ள முடியும்.

எனவே உத்தியோகபூர்வமான பேச்சாளர் என்று நான் இப்போது கூறமுடியாது. இந்த வாரம் நாடாளமன்ற குழுக்கூட்டம் கூடுவதாக இருந்தது. எனினும் கூட்டமைப்பின் தலைவர் சம்மந்தனுக்கு சுகவீனம் ஏற்பட்டுள்ளமையால் அது தாமதமாகியுள்ளது. எனவே கூட்டம் இடம்பெறும் போது அந்த தெரிவுகள் இடம்பெறும். அதில் எந்த பிரச்சனையும் இருக்கப்போவதில்லை” என தெரிவித்தார்.

- Advertisement -

சமீபத்திய செய்திகள்

- Advertisement -