Home Srilanka “எனது அனுமதியின்றி அவ்வாறு செய்ய முடியாது” சபாநாயகர் அறிவிப்பு

“எனது அனுமதியின்றி அவ்வாறு செய்ய முடியாது” சபாநாயகர் அறிவிப்பு

எனது அனுமதியின்றி கோப் குழுவின் தலைவரை அல்லது உறுப்பினர்களை ஜனாதிபதி விசாரணை ஆணைக்குழுவிற்கு அழைக்க முடியாது என சபாநாயகர் மஹிந்த யாப்பா அபேவர்தான தெரிவித்துள்ளார்.

நாடாளுமன்ற உறுப்பினர் அநுர குமார திசாநாயக்க எழுப்பிய கேள்விக்கு பதிலளிக்கும் போதே சபாநாயகர் இதனை குறிப்பிட்டுள்ளார்.

நாடாளுமன்றத்தின் விசேட அனுமதியின்றி, கோப் குழுவில் இடம்பெற்ற விசாரணைகள் தொடர்பில் ஜனாதிபதி ஆணைக்குழுவினால் எவரையும் அழைக்க முடியாது.

இந்நிலையில், ஜனாதிபதி ஆணைக்குழுவினால் கோப் குழுவின் முன்னாள் தலைவர் சுனில் ஹந்துன்நெத்தி அழைக்கப்பட்டமை தொடர்பில் சபாநாயகரின் நிலைப்பாடு என்னவென்பது தொடர்பில் இதன்போது அநுர கேள்வியெழுப்பினார்.

இதற்கு பதிலளித்த சபாநாயகர்,

அவ்வாறான அறிவித்தல் எதும் இதுவரை வெளியிடப்படவில்லை என தெரிவித்தார்.

ஜனாதிபதி ஆணைக்குழுவிற்கு அழைக்கப்பட்டுள்ளமை குறித்து சுனில் ஹந்துன்நெத்தி சபாநாயகருக்கு கடிதமொன்றை அனுப்பியுள்ள விடயம் தொடர்பிலும் அநுர குமார திசாநாயக்க இதன்போது சுட்டிக்காட்டினார்.

அதற்கு எழுத்து மூலம் பதிலளிப்பதாக சபாநாயகர் மஹிந்த யாப்பா அபேவர்தன இதன்போது கூறியுள்ளார்.

- Advertisement -

சமீபத்திய செய்திகள்

- Advertisement -