Home Srilanka ஒன்றரை இலட்சம் வேலைவாய்ப்பு; மலையக பட்டதாரிகளும் உள்வாங்கப்பட வேண்டும் – அரவிந்தகுமார்!

ஒன்றரை இலட்சம் வேலைவாய்ப்பு; மலையக பட்டதாரிகளும் உள்வாங்கப்பட வேண்டும் – அரவிந்தகுமார்!

அரசின் ஒன்றரை இலட்சம் வேலைவாய்ப்புகள் வழங்கும் திட்டத்தில் மலையகத்தைச் சேர்ந்த பட்டதாரிகளும் உள்வாங்கப்பட வேண்டும் என பதுளை மாவட்ட நாடாளுமன்ற உறுப்பினர் அ.அரவிந்தகுமார் வேண்டுகோள் விடுத்துள்ளார்.

இடைக்கால கணக்கறிக்கை மீதான விவாதத்தின்போது இன்று நாடாளுமன்றில் உரையாற்றியபோதே அவர் இதனைக் குறிப்பிட்டுள்ளார். இவ்விடயம் தொடர்பாக அவர் மேலும் தெரிவிக்கையில்,\

“கடந்த ஜனாதிபதி தேர்தல் காலத்தில் இரு பிரதான வேட்பாளர்களும் பெருந்தோட்ட மக்களின் சம்பளத்தை உயர்த்துவதாக வாக்குறுதி அளித்தனர்.

இறுதியில் வெற்றிபெற்ற தற்போதைய ஜனாதிபதி 11 மாதங்கள் கடந்தும் எந்தவித ஆக்கபூர்வமான நடவடிக்கையையும் எடுக்கவில்லை.

தற்போது ஒன்றரை இலட்சம் வேலைவாய்ப்புகளை வழங்கும் திட்டத்தை அரசாங்கம் முன்னெடுத்துள்ளது. இதில் மலையக பட்டதாரிகளும், பட்டம் பெறாதவர்களும் உள்வாங்கப்பட வேண்டும்.

முஸ்லிம் இளைஞர், யுவதிகளுக்கும் வாய்ப்பளிக்கப்பட வேண்டும். அதேவேளை, தேர்தல்கள் ஆணைக்குழுவின் உத்தரவிற்கமைய கடந்த ஜனாதிபதி தேர்தலின் போது நியமனம் வழங்கப்பட்டு இடைநிறுத்தப்பட்ட 6,548 திட்டமிடல் உதவியாளர்களை கடமைக்கு சமூகமளிக்கும் வகையில் ஏற்பாடுகள் மேற்கொள்ளப்பட வேண்டும்.

அத்துடன், கடந்த ஆட்சியில் நியமனங்கள் வழங்கப்பட்ட 1,300 இரண்டாம் மொழி ஆசிரியர்களையும் பணியில் தொடர அனுமதிக்க வேண்டும்” என நாடாளுமன்ற உறுப்பினர் அரவிந்தகுமார் மேலும் குறிப்பிட்டுள்ளார்.

- Advertisement -

சமீபத்திய செய்திகள்

- Advertisement -