Home Srilanka முல்லேரியாவில் பாரிய தொகை போதைப் பொருட்கள் உட்பட ஆயுதங்களும் மீட்பு!!

முல்லேரியாவில் பாரிய தொகை போதைப் பொருட்கள் உட்பட ஆயுதங்களும் மீட்பு!!

முல்லேரியா வடக்கு – அங்கொடை பிரதேசத்தில் வீடொன்றில் மறைத்து வைக்கப்பட்டிருந்த 42 கிலோகிராம் ஹெரோயின் கொழும்பு குற்றப் புலனாய்வுப் பிரிவினால் மீட்கப்பட்டுள்ளது.

வெளிநாட்டுக்கு தப்பிச் செல்ல முயன்ற 4 பேர், கட்டுநாயக்க சர்வதேச விமான நிலையத்தில் வைத்து கடந்த 23ஆம் திகதி கைது செய்யப்பட்டிருந்தனர்.

1979ஆம் ஆண்டின் பயங்கரவாதத்தை தடுப்பதற்கான இடைக்கால ஏற்பாடுகள் சட்டத்தின் அடிப்படையில், குறித்த நால்வரும் கொழும்பு குற்றப் புலனாய்வுப் பிரிவினால் தடுத்துவைக்கப்பட்டு விசாரிக்கப்பட்டனர்.

இந்த நிலையில், குறித்த விசாரணைகளின் மூலம் கிடைக்கப்பெற்ற தகவல்களின் அடிப்படையில் போதைப்பொருள் உள்ளிட்ட பல்வேறு பொருட்கள் பொலிஸாரினால் மீட்கப்பட்டுள்ளன.

இதன் அடிப்படையில்,ஹெரோயின் 42 கிலோகிராம், T 56 ரக துப்பாக்கிகள் 3, மெகஸின் 5 மற்றும் ஏனைய வெடிபொருட்கள் 170 ஆகியன மீட்கப்பட்டுள்ளதாக, பொலிஸ் ஊடகப்பிரிவு தெரிவித்துள்ளது.

இதேவேளை, கொழும்பு குற்றப் புலனாய்வுப் பிரிவினர் மேலதிக விசாரணைகளை முன்னெடுத்துள்ளமை குறிப்பிடத்தக்கது.

- Advertisement -

சமீபத்திய செய்திகள்

- Advertisement -