Home International லாரா புயல் அச்சத்தால் அரை மில்லியனுக்கும் அதிகமானோர் வெளியேற்றம்

லாரா புயல் அச்சத்தால் அரை மில்லியனுக்கும் அதிகமானோர் வெளியேற்றம்

லாரா சூறாவளி டெக்சாஸ்-லூசியானா எல்லைக்கு அருகிலுள்ள வளைகுடா கடற்கரைக்கு பேரழிவு சேதத்தையும் “மீளமுடியாத புயல் எழுச்சியையும்” ஏற்படுத்தக்கூடிய வகையில் வலுப் பெற்றுள்ளதாக அமெரிக்காவின் சூறாவளி மையம் தெரிவித்துள்ளது.

புயல், சூறாவளி தீவிரத்தை அளவிடுவதற்காக ‘Saffir-Simpson’ சூறாவளி அளவும் தரப்படுத்தப்பட்டுள்ளது,

சபீர் சிம்சன் சூறாவளித் தரப்படுத்தல் என்பது “அயனமண்டலத் தாழமுக்கம்”, “அயனமண்டலப் புயல்” என்பவற்றைவிட வீரியம் கூடி சூறாவளியாக மாறும் புவியின் மேற்கு அரைக்கோளத்தில் ஏற்படும் அயனமண்டல சுழல்காற்றுகளைத் தரப்படுத்தும் முறைமையாகும்.

டெக்சாஸின் துறைமுகத்துக்கு தென்கிழக்கில் சுமார் 320 கி.மீ (200 மைல்) தொலைவில் இருந்தது, அதிகபட்சமாக மணிக்கு 220 கிலோ மீற்றர் வேகத்தில் காற்று வீசக்கூடும் என்றும் எதிர்பார்க்கப்படுகிறது.

இந்த ஆண்டு அமெரிக்காவை தாக்கும் மிக சக்திவாய்ந்த சூறாவளி லாராவாக இருக்கக்கூடும் என்று எதிர்பார்க்கப்படுகிறது.

குறைந்தது 20 மில்லியன் மக்கள் புயலின் பாதையில் உள்ளனர் மற்றும் அரை மில்லியனுக்கும் அதிகமான மக்கள் வெளியேற உத்தரவிடப்பட்டுள்ளது.

- Advertisement -

சமீபத்திய செய்திகள்

- Advertisement -