Home Srilanka ஆனைவிழுந்தான் சரணாலய பகுதியில் இடம்பெற்ற சட்டவிரோத மண்ணகழ்வு – ஒருவர் கைது

ஆனைவிழுந்தான் சரணாலய பகுதியில் இடம்பெற்ற சட்டவிரோத மண்ணகழ்வு – ஒருவர் கைது

ஆனைவிழுந்தான் சரணாலய பகுதியில், சுற்றாடலுக்கு பாதிப்பை ஏற்படுத்தும் வகையில் மேற்கொள்ளப்பட்ட விடயங்கள் தொடர்பில் ஒருவர் கைது செய்யப்பட்டுள்ளார்.

விடயத்திற்குப் பொறுப்பான அமைச்சரின் அறிவுறுத்தலுக்கு அமைவாக முன்னெடுக்கபட்ட நடவடிக்கையின் போதே குறித்த நபர் கைது செய்யப்பட்டுள்ளார்.

கடந்த 25 ஆம் திகதி, ஆனைவிழுந்தான் சரணாலயத்தின் 0.697 ஹெக்டேயர் நிலப்பரப்பில், சுற்றாடலுக்கு பாதிப்பு ஏற்படும் வகையில் மண்ணகழ்வு நடவடிக்கை முன்னெடுக்கப்பட்டுள்ளது.

இதற்கமைய, இந்த விடயம் தொடர்பில் சட்ட நடவடிக்கை எடுக்குமாறு வனஜீவராசிகள் மற்றும் வனப்பாதுகாப்பு அமைச்சர் அறிவுறுத்தியிருந்தார்.

இதனைத் தொடர்ந்து குறித்த சட்டவிரோத நடவடிக்கைகளை தடுப்பதோடு, அவற்றினை முன்னெடுக்கும் நபர்களுக்கு எதிராக சட்டத்தை நடைமுறைப்படுத்தவும் நடவடிக்கை எடுக்கப்பட்டுள்ளது.

விலங்குகள் மற்றும் தாவர பாதுகாப்பு கட்டளைச் சட்டத்தின் பிரகாரம், குறித்த நிலப்பரப்பில் ஆயிரத்து 397 ஹெக்டேயர் நிலப்பரப்பு, 1997 ஆம் ஆண்டு மே மாதம் 11 ஆம் திகதி சரணாலயமாக அறிவிக்கப்பட்டுள்ளமை குறிப்பிடத்தக்கது.

- Advertisement -

சமீபத்திய செய்திகள்

- Advertisement -