Home Srilanka இரு சிறுமிகளை பாலியல் துஷ்பிரயோகம் செய்த குற்றச்சாட்டில் 5 ஆம் ஆண்டு புலமைப் பரிசில் ஆசிரியர்...

இரு சிறுமிகளை பாலியல் துஷ்பிரயோகம் செய்த குற்றச்சாட்டில் 5 ஆம் ஆண்டு புலமைப் பரிசில் ஆசிரியர் கைது!

ஒரே பாடசாலையில் இருந்து இரண்டு சிறுமிகளை பாலியல் துஷ்பிரயோகம் செய்த குற்றச்சாட்டில் மொரவக்க பிரதேசத்தில் உள்ள ஒரு பாடசாலை ஆசிரியர் நேற்று (27) கைது செய்யப்பட்டார்.

அந்த நபர் பாடசாலை நேரத்தில் இரண்டு 5 ஆம் ஆண்டு சிறுமிகளை பாலியல் துஷ்பிரயோகம் செய்ததாக கூறப்படுகிறது.

ஆசிரியர் மொரவக்க பிரதேசத்தில் உள்ள கொஸ்னில்கொட யில் வசிக்கும் 52 வயதானவர் என அடையாளம் காணப்பட்டுள்ளார், அவர்பாடசாலையில் தரம் 05 ஸ்காலர்சிப் தேர்வு மாணவர்களுக்கு பயிற்சி அளிக்கும் பொறுப்பில் இருந்தார்.

சந்தேகநபர் பாடசாலை நேரத்தின்போது முந்தைய இரண்டு சந்தர்ப்பங்களில் மாணவர்களை பாலியல் துஷ்பிரயோகம் செய்துள்ளார், அதை அவர்கள் பொறுத்துக்கொள்ள முடியாததால், இது தொடர்பாக அவர்கள் அந்தந்த பெற்றோருக்கு தகவல் கொடுத்தனர்.

பெற்றோர் அளித்த புகாரின் அடிப்படையில் இந்த நபர் கைது செய்யப்பட்டு, மொரவக்க மாஜிஸ்திரேட் நீதிமன்றத்தில் ஆஜர்படுத்தப்பட்ட பின்னர் திங்கள்கிழமை (31) வரை விளக்கமறியலில் வைக்கப்பட்டுள்ளார்.

பாதிக்கபட்ட இரு சிறுமிகளும் மருத்துவ பரிசோதனைக்காக மொரவக்க அரசு மருத்துவமனையில் அனுமதிக்கப்பட்டுள்ளனர்.

இந்த சம்பவம் குறித்து மொரவக்க காவல்துறை மேலதிக விசாரணைகளை மேற்கொண்டு வருகிறது.

- Advertisement -

சமீபத்திய செய்திகள்

- Advertisement -