Home International பெலராஸ் ஜனாதிபதியை கருப்பு பட்டியலில் சேர்க்க வாய்ப்புள்ளது; ஐரோப்பிய ஒன்றியம்!

பெலராஸ் ஜனாதிபதியை கருப்பு பட்டியலில் சேர்க்க வாய்ப்புள்ளது; ஐரோப்பிய ஒன்றியம்!

தேர்தல் மோசடி மற்றும் எதிர்ப்பாளர்கள் மீதான வன்முறை என சந்தேகிக்கப்படும் 20 மூத்த பெலாரஸ் அதிகாரிகளுக்கு, பொருளாதாரத் தடைகளை விதிக்க ஐரோப்பிய ஒன்றியம் ஒப்புக் கொண்டுள்ளது.

மேலும், ஜனாதிபதி அலெக்சாண்டர் லுகாஷென்கோவை ஒரு கட்டத்தில் தனது பட்டியலில் சேர்க்க வாய்ப்புள்ளது என்றும் ஐரோப்பிய ஒன்றிய அமைச்சர்கள் தெரிவித்துள்ளனர்.

பெர்லினில் நடைபெற்ற ஐரோப்பிய ஒன்றிய வெளியுறவு அமைச்சர்கள் கூட்டத்தில் ஊடகங்களிடம் கருத்து தெரிவித்த செக் குடியரசு வெளியுறவு அமைச்சர் டோமாஸ் பெட்ரிசெக் இதனை உறுதி செய்தார்.

இதன்போது அவர் கூறுகையில், ‘இந்த பட்டியல் எவ்வாறு கட்டமைக்கப்படும், யார் அதிகமாகவோ அல்லது குறைவாகவோ இருப்பார்கள் என்பதில் எங்களுக்கு பொதுவான உடன்பாடு உள்ளது.

இருப்பினும், பட்டியலை சட்டப்பூர்வமாக இறுதி செய்வதில் உள்ள தொழில்நுட்பங்கள் காரணமாக, குறைந்தது ஒரு வாரத்திற்கு முடிவுக்கு வராது’ என கூறினார்.

பயணத் தடை மற்றும் சொத்து முடக்கம் ஆகியவற்றால் பெலாரஷ்யின் ஜனாதிபதி பாதிக்கப்படுவாரா என்று கேட்கப்பட்டதற்கு, பெட்ரிசெக், ‘லுகாஷென்கோ பட்டியலில் இருக்க வேண்டும்’ என்று தான் நம்புவதாகக் கூறினார். மேலும், ‘முதல் கட்டத்தில், அல்லது முன்னேற்றம் இல்லாவிட்டால் பின்னர் ஒரு கட்டத்தில் அவர் சேர்க்கப்படுவார்’ என்று அவர் கூறினார்.

சில நாடுகள் படிப்படியாக அணுகுமுறையை விரும்புகின்றன, இது லுகாஷென்கோ எதிர்க்கட்சிகளுடன் பேச்சுவார்த்தை நடத்தத் தவறினால் படிப்படியாக அதிக பெயர்களைச் சேர்ப்பதன் மூலம் அழுத்தத்தைத் தூண்டும்.

இதேவேளை, லுகாஷென்கோ இப்போது பட்டியலில் இருக்க வேண்டும் என்று லிதுவேனியன் வெளியுறவு அமைச்சர் லினாஸ் லிங்கெவிசியஸ் தெரிவித்தார். லிதுவேனியா தனது சொந்த 118 அதிகாரிகளின் பட்டியலை தாக்கல் செய்தது.

பெலாரஸ் ஜனாதிபதி தேர்தலில் வாக்கெடுப்பு மோசடி செய்யப்பட்டதாக கூறப்படுவதற்கு எதிர்ப்பு தெரிவித்து, அங்கு முதல் நான்கு நாட்களில் முன்னெடுக்கப்பட்ட போராட்டங்களில் பாதுகாப்புப் படையினர் கிட்டத்தட்ட 7,000 பேரை தடுத்து வைத்தனர்.

ரப்பர் தோட்டாக்கள், ஸ்டன் கையெறி குண்டுகளால் நூற்றுக்கணக்கானவர்களை காயப்படுத்தினர். குறைந்தது மூன்று எதிர்ப்பாளர்கள் இறந்தனர். வியாழக்கிழமை பேரணிகளில் சுமார் 180பேர் தடுத்து வைக்கப்பட்டனர்.

- Advertisement -

சமீபத்திய செய்திகள்

- Advertisement -