Home Breaking News கொரோனா வைரஸ் நோயினால் இரண்டு மில்லியனுக்கும் அதிகமான மக்கள் மரணமடையக்கூடும் என்று ஐ.நா சுகாதார நிறுவனம்...

கொரோனா வைரஸ் நோயினால் இரண்டு மில்லியனுக்கும் அதிகமான மக்கள் மரணமடையக்கூடும் என்று ஐ.நா சுகாதார நிறுவனம் எச்சரித்துள்ளது !

கொரோனா வைரஸ் தொற்றினால் இன்று செவ்வாய்க்கிழமை வரை ஒரு மில்லியனுக்கும் அதிகமான உலகளாவிய ரீதியில் இறப்பு எண்ணிக்கை அதிகரித்துள்ள நிலையில் தடுப்பூசி பொதுமக்கள் பாவனைக்கு வரும் போது கொரோனா வைரஸ் நோயினால் இரண்டு மில்லியனுக்கும் அதிகமான மக்கள் மரணமடையக்கூடும் என்று ஐ.நா சுகாதார நிறுவனம் எச்சரித்துள்ளது.

உலக மக்கள் பலரை இழந்துவிட்டார்கள் அவர்களுடைய இறுதிச் சடங்கில் கூட பங்குகொள்ளும் வாய்ப்பு கிடைக்கவில்லை , இறந்த பலர் தனிமையில் இறந்துள்ளனர் இது மிகவும் கடினமான மற்றும் தனிமையான மரணம் என்று உலக சுகாதார நிறுவனத்தின் செய்தித் தொடர்பாளர் மார்கரெட் ஹாரிஸ் தெரிவித்துள்ளார்.

உலகளாவிய ரீதியில் ஏற்பட்ட ஏழு வகையான தொற்று நோய்த் தாக்க எண்ணிக்கையிலான இறப்பு எண்ணிக்கையில் இது “மிகவும் சோகமான மைல்கல்” என்றும் அவர் விவரித்தார்.

கடந்த டிசம்பர் மாதத்தில் சீன நகரமான வுஹானில் இந்த வைரஸ் முதன்முதலில் தோன்றியதிலிருந்து 33 மில்லியனுக்கும் அதிகமான மக்கள் இந்த வைரஸ் தொற்றுக்கு உள்ளாகியுள்ளனர்.

கடந்த ஆகஸ்டில் இந்த நோய்க்கு எதிரான தடுப்பூசியை வெளியிட்ட முதல் நாடு ரஷ்யா. ‘ஸ்பூட்னிக் வி’ என அழைக்கப்படும் இந்த தடுப்பூசி இதுவரை 5,000 ற்கும் மேற்பட்ட தன்னார்வலர்களுக்கு வழங்கப்பட்டுள்ளது.

இந்த நிலையில் இன்று வரை இது எந்தவிதமான பக்க விளைவுகளும் ஏற்படவில்லை என்று ரஷ்யாவின் சுகாதார அமைச்சகம் தெரிவித்துள்ளது.

ஐரோப்பாவிலும் உலகின் பிற பகுதிகளிலும் உள்ள பல நாடுகள் தினசரி கோவிட் -19 தொற்றுக்களின் எண்ணிக்கை அதிகரித்துச் செல்கின்ற நிலையில் தொற்றுக்களின் எண்ணிக்கை விட இறப்புகளின் எண்ணிக்கை மிகக் குறைவு என புள்ளிவிபரங்கள் மூலம் தெரியவருகின்றது.

இருப்பினும் புதிய நோய்த்தொற்றுகளின் அதிகரிப்பு இங்கிலாந்து போன்ற நாடுகளை வைரஸைக் கட்டுப்படுத்த வடிவமைக்கப்பட்டதாகக் கருதப்படும் நடவடிக்கைகளை மீண்டும் செயல்படுத்தத் தூண்டியுள்ளது என தெரிவிக்கப்படுகின்றது.

- Advertisement -

சமீபத்திய செய்திகள்

- Advertisement -