Home International நாளை முதல் பொது நிகழ்வில் பங்கேற்கிறார் அமெரிக்க அதிபர்!

நாளை முதல் பொது நிகழ்வில் பங்கேற்கிறார் அமெரிக்க அதிபர்!

கொரோனா தொற்றால் பாதிக்கப்பட்டிருந்த அமெரிக்க அதிபர் டொனால்ட் டிரம்ப் சனிக்கிழமை முதல் பொது நிகழ்ச்சிகளில் பங்கேற்கலாம் என அவரின் மருத்துவர் தெரிவித்துள்ளார்.

டிரம்ப் கடந்த வியாழக்கிழமை கொரோனா தொற்றால் டிரம்ப் பாதிக்கப்பட்டதாக தெரிவிக்கப்பட்டது. பின்னர் ராணுவ மருத்துவமனையில் வெள்ளியன்று அனுமதிக்கப்பட்ட அவர் திங்களன்று வெள்ளை மாளிகை திரும்பினார்.

வெள்ளை மாளிகை திரும்பியதிலிருந்து அவரது உடல் நிலையானது சீராக உள்ளதாகவும், நோய் தொற்று அதிகரிப்பதாக பரிசோதனை அறிக்கைகள் காட்டவில்லையென்றும் டிரம்பின் மருத்துவர் சீன் கான்லி தெரிவித்துள்ளார்.

இந்நிலையில் நவம்பர் 3-ம் திகதி நடைபெற உள்ள அமெரிக்கா தேர்தல் காரணமாக பிரச்சார பயணத்திற்கு தயாராக டிரம்ப் முனைப்புடன் செயல்பட்டு வருகிறார்.

முன்னதாக வியாழக்கிழமை டிரம்ப் தான் தொற்றுநோயால் பாதிக்கப்பட்டிருப்பதை நம்பவில்லை என்றும் பிரச்சார பேரணிகளை மீண்டும் தொடங்குவதற்கு தயாராக இருப்பதாகவும் தெரிவித்திருந்தார். டிரம்ப் இதுபோன்ற பேரணிகளை ஆயிரக்கணக்கான மக்களுடன் நடத்தியுள்ளார், அவர்களில் பலர் முககவசம் அணிந்திருக்கவில்லை.

கொரோனா தொற்றால் டிரம்ப் பாதிக்கப்பட்டிருந்தால், ஜோ பிடனுக்கும், டிரம்பிற்கும் இடையே ஒக்டோபர் 15-ம் திகதி நடைபெற இருந்த விவாதம் காணொளி வாயிலாக நடைபெறும் என தெரிவிக்கப்பட்டிருந்தது. ஆனால், டிரம்ப் இந்த விவாதத்தினை புறக்கணித்தார்.

தற்போது 2,10,000 க்கும் மேற்பட்ட அமெரிக்கர்களை கொரோனா தொற்று காரணமாக பலி கொடுத்தது, மில்லியன் கணக்கானவர்களை வேலையிலிருந்து வெளியேற்றியது போன்ற விமர்சனங்களை டிரம்ப் தொடர்ந்து எதிர்கொண்டு வருகிறார்.

- Advertisement -

சமீபத்திய செய்திகள்

- Advertisement -