Home Srilanka கொரோனா விவகாரம்; முடிந்தால் நிரூபியுங்கள்- இலங்கை அரசுக்கு பகிரங்க சவால்!

கொரோனா விவகாரம்; முடிந்தால் நிரூபியுங்கள்- இலங்கை அரசுக்கு பகிரங்க சவால்!

இந்தியாவிலிருந்து பிரன்டிக்ஸ் தொழிற்சாலை நிர்வாகம் அழைத்து வந்தவர்கள் இலங்கையில் தனிமைப்படுத்தலுக்கு உட்படுத்தவில்லை என பொதுச்சுகாதார பரிசோதகர்கள் சங்கத்தின் செயலாளர் எம்.பாலசூரிய பகிரங்கமாக தெரிவித்துள்ளார்.

இவ்வாறு அழைத்து வரப்பட்டவர்கள் அரசாங்கம் அறிவித்துள்ள தனிமைப்படுத்தல் சட்டங்களுக்கு அமைய 28 நாட்கள் தனிமைப்படுத்தப்பட்டார்கள் என பிரன்டிக்ஸ் தொழிற்சாலை நிர்வாகமும் கொவிட் தொடர்பான செயலணியும் தெரிவித்துள்ளதை அவர் நிராகரித்துள்ளதுடன் கொரோனாவின் தீவிர பரவலுக்கும் இதுவே காரணமென அவர் தெரிவித்துள்ளார்.

இதுகுறித்து செய்தியாளர்களுக்கு கருத்து தெரிவிக்கும் போதே இதனை தெரிவித்துள்ளார்.

தொடர்ந்தும் பேசிய அவர்,

இந்தியாவிலிருந்து பிரன்டிக்ஸ் தொழிற்சாலை நிர்வாகம் அழைத்து வந்தவர்களை எமது கண்காணிப்பிற்கு உட்படுத்தவில்லை.

அவர்களை தனிமைப்படுத்தியிருந்தால் அதனை கண்காணிக்கும் பொறுப்பு எங்களிடம் ஒப்படைக்கப்பட்டிருக்கும்.

பிரான்டிக்ஸ் நிர்வாகம் இவர்களை விசேட விமானங்களிலேயே இலங்கைக்கு அழைத்துவந்தார்கள்.

இந்தியாவிலிருந்து அழைத்து வரப்பட்டவர்கள் 28 நாட்கள் தனிமைப்படுத்தலுக்கு உட்படுத்தப்பட்டனர் என இதற்கு பொறுப்பானவர்கள் தெரிவிக்கின்றனர்.

அவ்வாறு அவர்கள் தனிமைப்படுத்தப்பட்டிருந்தால் எங்கு தனிமைப்படுத்தலுக்கு உட்படுத்தப்பட்டார்கள் என்பதையும், அவர்களை கண்காணித்த பொதுச் சுகாதார பரிசோதகர்கள் யார் என்பதையும் பகிரங்கப்படுத்துமாறும் அவர் வேண்டுகோள் விடுத்துள்ளார்.

- Advertisement -

சமீபத்திய செய்திகள்

- Advertisement -