HomeIndiaநீரில் மூழ்கி 6 மாணவர்கள் பலி!

நீரில் மூழ்கி 6 மாணவர்கள் பலி!

இந்தியாவில் ஆந்திர மாநிலம் மேற்கு கோதாவரி மாவட்டத்தில் பூதேவிபேட்டா கிராமத்தை சேர்ந்த 6 மாணவர்கள் நீரோடையில் மூழ்கி உயிரிழந்துள்ளனர்.

சம்பவம் குறித்து தெரியவருவதாவது,

6 மாணவர்கள் கிராமத்திலுள்ள மக்களோடு சுற்றுலா சென்ற வேளை நீரோடையில் இறங்கி குளித்துள்ளனர். அப்போது யாரும் எதிர்பாராத வகையில் மாணவர்கள் 6 பேரும் நீரோடையில் மூழ்கியுள்ளனர்.

இதையடுத்து அக்கம்பக்கத்தில் இருந்தவர்கள் நீரோடைக்குள் இறங்கி மாணவர்களை தேடினர். இதற்கிடையில் இதுபற்றிய தகவல் அறிந்து வந்த தீயணைப்பு வீரர்கள் மற்றும் பொலிஸாரும் மாணவர்களை தேடும் பணியில் இறங்கியுள்ளனர்.

நீண்ட நேர தேடுதலுக்கு பிறகு மாணவர்கள் 4 பேர் சடலமாக மீட்கப்பட்டுள்ளனர். மற்ற 2 சிறுவர்களின் உடல்கள் இன்னும் கிடைக்கவில்லை. மீட்பு குழுவினர் தொடர்ந்து தேடி வருகின்றனர்.

இந்த சம்பவம் குறித்து பொலிஸார் வழக்குப்பதிவு செய்து விசாரணை நடத்தி வருகின்றமை குறிப்பிடத்தக்கது.

- Advertisement -

சமீபத்திய செய்திகள்

[td_block_7 f_header_font_family=”662″ m6f_title_font_family=”662″ m6f_title_font_weight=”500″ limit=”3″]
- Advertisement -