Home International சீனா மீதான பனிப்போர் கொள்கையை ஜோ பைடன் முடிவுக்கு கொண்டு வருவார் – சீனா நம்பிக்கை.

சீனா மீதான பனிப்போர் கொள்கையை ஜோ பைடன் முடிவுக்கு கொண்டு வருவார் – சீனா நம்பிக்கை.

f238dd44 3469 11eb 8d89 a7d6b31c4b8a image hires 183851அமெரிக்காவுக்கும் சீனாவுக்கு நீண்டகாலமாக பனிப்போர் நிலவி வருகிறது. அதிபர் டொனால்ட் ட்ரம்ப் ஆட்சி காலத்தில் சீனாவுக்கு எதிரான பல்வேறு மசோதாக்கள் நிறைவேற்றப்பட்டன. சீனாவுக்கு எதிரான வர்த்தக போரை கையில் எடுத்த டொனால்ட் ட்ரம்ப், கொரோனா வைரஸ் காலகட்டத்தில் சீனாவை வெளிப்படையாக பகிரங்கமாக தாக்கினார். அதனை ஒரு சீன வைரஸ் என்றே அழைத்தார்.

இந்த நிலையில், நடைபெற்று முடிந்த அமெரிக்க அதிபர் தேர்தலில் டெமாக்ட்ரடிக் கட்சியை சேர்ந்த ஜோ பைடன் வெற்றி பெற்றுள்ளார். துணை அதிபராக கமலா ஹாரிஸ் தேர்வாகியுள்ளார். இவர்கள் இருவரும் இம்மாதம் பதவியேற்கவுள்ளனர்.

இந்த நிலையில், சீனா மீதான டொனால்ட் ட்ரம்பின் பனிப்போர் கொள்கையை ஜோ பைடன் முடிவுக்கு கொண்டு வருவார் என்று அந்நாடு நம்பிக்கை தெரிவித்துள்ளது. இதுகுறித்து சீனாவின் வெளியுறவுத்துறை அமைச்சர் வாங் யி கூறுகையில், “அமெரிக்க அதிபராக தேர்வாகியுள்ள ஜோ பைடன், சீனா மீதான ட்ரம்ப்பின் பனிப்போர் கொள்கைகையை முடிவுக்கு கொண்டு வந்து இருநாடுகள் இடையிலான இயல்பான உறவை மீட்டெடுப்பார்” என்று நம்புவதாக தெரிவித்துள்ளார்.

சமீபத்திய ஆண்டுகளில் அமெரிக்கா – சீனா உறவுகளில் முன்னெப்போதும் இல்லாத வகையில் பல்வேறு சிக்கல்கள் ஏற்பட்டுள்ளன என்று சுட்டிக்காட்டிய வாங் யி, அமெரிக்காவின் புதிய நிர்வாகத்தால் இந்த நிலை மாறும் என்ற நம்பிக்கை வந்துள்ளது. விவேகமான அணுகுமுறைக்கு புதிய நிர்வாகம் திரும்பி ஒத்துழைப்பை மீண்டும் தொடங்கும் என்ற நம்பிக்கை உள்ளது. நம்பிக்கையின் புதிய கதவு திறந்துள்ளது என்றும் தெரிவித்துள்ளார்.

“சீனாவை அடக்கி புதிய பனிப்போரைத் தொடங்க அமெரிக்காவின் முயற்சி இரு நாட்டு மக்களின் நலன்களுக்கு கடுமையாக பாதிப்பை ஏற்படுத்தியது மட்டுமல்லாமல், உலகிற்கு கடுமையான இடையூறுகளையும் ஏற்படுத்தியுள்ளது என்பதை நடந்த விஷயங்கள் நிரூபிக்கின்றன. அத்தகைய கொள்கை எந்த ஆதரவையும் காணாது தோல்வியடையும். ஒருங்கிணைப்பு, ஒத்துழைப்பு மற்றும் ஸ்திரத்தன்மை ஆகியவற்றின் அடிப்படையில் அமெரிக்காவுடன் ஒரு உறவை உருவாக்க நாங்கள் தயாராக உள்ளோம்” என்றும் வாங் யி தெரிவித்துள்ளார்.

முன்னதாக, ஜோ பைடன் உள்நாட்டு பிரச்சினைகளை தீர்க்க முடியவில்லை என்றால், இராஜதந்திர ரீதியில் சீனாவுக்கு எதிராக ஏதாவது செய்வார். ஜோ பைடன் மிகவும் பலவீனமானவர் என்று சீன அரசின் ஆலோசகர் ஜெங் யோங்னியன் தெரிவித்திருந்தார் என்பது குறிப்பிடத்தக்கது.

- Advertisement -

சமீபத்திய செய்திகள்

- Advertisement -